الغلايات البخارية (المراجل البخارية) boilers

الغلاية البخارية(boiler)

بص ياسيدى احنا فى المقال السابق اتكلمنا عن مكونات المحطة البخارية طبعا انت اكيد استفدت وعرفت المكونات كويس تعالى معايا نتكلم شويه كده على كل مكون بالنسبه للغلاية البخارية او ما يطلق عليها المراجل البخارية.

هل تعلم...ان الغلاية البخارية كلها عباره عن مواسير لو كنت تعلم تمام ولو مكنتش اقولك ليه عشان يزود مساحة السطح المعرض للوقود.

هل تعلم...انت تقدر وانت مسافر كده وشوفت محطة بخارية او حتى دخلت محطه بخاريه او ساكن جنبها انك تقدر تعرف من غير ما تسأل حد المحطه فيها كام غلايه بخاريه وبالتالى كام تربينه بخاريه.

 بس خلى التربينه دلوقتى...اه تقدر مستغرب ليه تقولى ازاى اقولك ازاى انت عارف العمود الطويل ده اللى بيطلع منه دخان ده اسمه مدخنه .

خلى بالك بقى ان كل غلايه فيها مدخنه ليه كده عشان ده اللى بتخرج منه الغازات الزائده داخل الغلايه والتى ممكن تسبب انفجار للغلايه.

هل تعلم...احيانا المدخنه دى بتعمل صوت عالى جدا تعرف ساعتها ان فى مشكله حصلت فى الوحده دى.

 والوحده تعنى غلايه وتربينه يعنى حصل خروج من الخدمه وبالتالى يحدث فرق ضغط قوى جدا داخل الغلايه من الغازات فيتم خروج هذه الغازات من المدخنه قشطه كده ولا ايه اوعى تسرح منى.

انواع الغلايات المستخدمة فى المحطات البخارية

1. Forced

1. Natural

او ممكن نصنفها تصنيف اخر

Fire tube boiler دى بقى غلايات مواسير اللهب يعنى اللى جوه المواسير دى بيبقى لهب يعنى غازات ساخنه ودى استخدامها قليل

Water tube boiler دى بقى غلايات مواسير الماء اللى جوه المواسير بيبقى ماء ودى استخدمها اكثر هتقوللى ليه هقولك لدواعى امنيه مش هندخل فيها حاليا ودى النوع الForced 

مكونات الغلايات البخارية من الداخل

1. الموفر  Economizer
2. الصواعد
3. الهوابط
4. الاسطوانه او البرميل Drum اعلى حاجه فى الغلايه
5. المحمصات
6. مثلث الاشعال اللى هو الفرن وهو عباره عن فوانى وهواء جوى والمازوت وهذا هو مثلث الاشتعال
7. جهاز ال cyclon يتحكم فى منسوب الماء فى  Drum  

طريقة العمل داخل الغلايه

بص كده وركز معايا عشان ده الخلاصه اللى هيلم الليله اللى فوق دى كلها.

طبعا بعد المياه ما عملنا لها معالجه اللى شرحناها فى المقال السابق ارجعله تانى ما علينا.

الميه دى بتدخل تتسخن على سخانات الضغط العالى اه هى اسمها كده وبعد التسخين تدخل الميه الساخنه على الموفر .

وهو مجموعه من المواسير وهو اول جزء تدخل عليه فى الغلايه الميه دى تترفع فوق عن طريق الصواعد لحد ما توصل الى Drum وبعدين ناخد الميه تانى من الDrum عن طريق الهوابط وتلف داخل الغلايه من الصواعد الى Drum

الى الهوابط وهكذا...

قشطه كده كل ده والاحتراق شغال داخل الغلايهوالغازات الساخنه تسخن الميه اللى عماله تلف جوه.

فى الDrum يتم فصل البخار عن الماء ويتم  اخذ البخار ده على مجموعه من المحمصات عشان تحمص البخار الناتج قبل ما يدخل على التربينه وبعد كده نسحب الميه من الDrum عن طريق الهوابط وتلف وتتكرر العمليه.

وبكده احنا طلعنا البخار اللى عايزينه عشان ندور التربينة اللى هى عنفه بخارية...وده بقا نتكلم عنه فى المقال الجاى .

هل تعلم...يتم استخدام السولار فى بدايه التشغيل للغلايه عندما تخرج الوحده من الخدمه وذلك بسبب نقطة الندى due point التى تتكون داخل الغلايه ودى مشكله لما بتتكون بتبوظ ريش التربينه.

هل تعلم...لابد ان ترتفع درجة حرارة الغاز الخارج عن 130 درجه مئويه حتى لا يتكون حمض الكبرتيك ويتسبب فى تأكل المواسير والمسخن الغازى.

هل تعلم...الاملاح لها تاثير على المواسير للغلايات البخارية تسبب تبويض للماسوره طبعا مش التبويض اللى فى دماغك ما علينا

هل تعلم...يستخدم المازوت فى الاحتراق كوقود فى الغلايات البخارية نظرا لسهولة تخزينه فى تنكات المازوت وطبعا التكلفه الاقتصاديه ارخص من السولار 

هل تعلم...تستخدم عملية التذريه اه هى اسمها كده وهى عملية رش بكميه متساويه للمازوت اثناء الاحتراق

اشوفكم المقال القادم فى معلومه سهله وبسيطه انتظرونى...